re: 為甚麼我們要去考會考?

p小姐：

擔心? 其實都冇乜好擔心o既.....

我99年考會考，嗰時就真係擔心到癲。擔心考得唔好會升唔到原校中六，然後入唔到大學，無晒前途，然後又識唔到有錢人，嫁唔到好老公，從此鬱鬱寡歡地度過餘生。加上臨近千禧，成日覺得如果在2000年一個新開始要repeat的話，自己會和新世代愈走愈遠，亦會鬱鬱寡歡地度過餘生．．．．（啊其實關咩事呢）

雖然最後升到原校，入了大學，(但都係未識到有錢人...) 但考公開試對我來說，真的有點陰影。

我幾乎每次發噩夢，都與考試有關。

我出來工作這些年，身邊的朋友都已經讀了碩士（甚至是多過一個碩士），我呢，一想起要讀書考試，胸口就作悶。

每年放榜，都很怕看那些「有人歡笑有人愁」的新聞，一見到人喊，個心就抽住成日。

我想我是比較極端的例子吧。

聽人說，今年是最後一次會考，我很好奇，如果自己現在再去考一次，會怎樣呢。


考成怎樣倒沒有想過，我是好奇，那種解題的思考方法， 我還記得嗎？還應付得來嗎？



或者會有人覺得我很無聊吧，不過我是真的很想體驗一下。

＊＊＊＊

家中收到准考證的那一天，我媽看見了，嚴嚴叮囑我做past paper。

「使唔使咁擔心呀？我諗唔會唔合格既」

「下！你小心啲呀，政府有你record架！」

「咁又點？」

「 可能對第時做官有影響．．．我幫你問下人借past paper啦。」


媽，難道你以為你個女會做特首嗎？



ngloksugar