會考頂你

明天是會考放榜，最後一次。

地球毁滅前的最後一次。


兩年後，2012，末代高考，今天的恐怖已預定了會再來的。

如果我今天勉強碌得過，可能是預言了兩年後死得更慘，
有誰像他們沒有昐望呢？
有誰會明白他們呢？


我想是今年的中四同學吧。2012年，也是第一屆的香港中學文憑考試。


如果，我是他們的話，我會這樣談天。

「頂你，兩年前考16分，如果我入唔到大學都唔知re唔repeat好」
「頂你，我地連past paper都冇得跟，我都係亂嚟咋，如果repeat我地約埋一齊做同學囉」
「頂你，我宜家repeat，都唔知識唔識啦，仲有通識呢，然後大學仲要讀四年，我咪好蝕！」
「頂你，你得十幾分你以為自己係咩，注定係掹車邊架啦，你怨乜嘢！」
「頂你，就算好彩俾我碌到入U，遲一年出來，遲一年開始還錢呀！」
「頂你，又唔好咁灰，可能入到呢，三年搞掂出嚟做，廿幾萬好快還晒架咋，我就注定使多八萬啦頂你。」
「頂你，咁易就唔使講咁多啦，一個唔好彩連副學士都冇得讀呀，你地嗰年加埋我地嗰年的人一齊爭呀頂」
「頂你，我地想架。好心你啦，我就話冇得揀一定要讀足六年者，你有中五學歷就出嚟做啦，宜家高不成低不就，喺度爭生晒，抵你死。」
「頂你，我想架，靚啲我出嚟做左model啦，靚啲又入到大學我做左主播啦！使喺度同你爭！」
「頂你，讀多一年，又使多啲錢，做到五十歲都未還晒啲錢啦，幾時先儲到錢買樓呀！」


頂。我都想問幾時可以儲到錢。